Páfaraunir

Þar sannast nú hið forkveðna að þeir sletta skyrinu sem búa í glerhúsum.  Það er páfagarði líkt að lasta ofbeldi en lofsyngja óábyrgt kynlíf.

Ég man ekki betur en að í fortíð núverandi páfa leynist ýmislegt görótt sem ekki er til eftirbreytni og fæstir vildu hafa í ferilskrá sinni.  Nei mér finnst að páfinn ætti að láta sér nægja að tefla við fólk eða sauma út með kardi-nálum.

Óskarsverðlaunamyndirnar of ofbeldisfullar

Villi Viðutan

það er alltaf jafn aumkunarvert þegar menn þekkja ekki sinn vitjunartíma og sitja eins eins og límdir í sínum stólum eftir að hafa gert alla leið upp að herðablöðum.  Villi undrast styrk sinn í öllu þessu moldviðri, flestir myndu nú kalla þetta greindarskort en ekki styrk, Villi segist líka hafa haldið sjó í þessum málum öllum en ég fæ ekki betur séð en að hann hafi hrakist undan veðri og vinum eins og hvert annað rekald.

 

„Hef hvorki brotnað né bognað“

Danskar "dráp" skopmyndir

Enn á ný birta dönsk blöð svokallaðar skopmyndir af spámanninum Múhameð og telja sig í rétti til að gera það í nafni rit og tjáningarfrelsis, þó allir hljóti að sjá að tilgangurinn sé sá einn að koma af stað æsingi til að eyða gúrkutíð fjölmiðla.

Hver hefur rétt til þess í nafni tjáningarfrelsis að særa og meiða miljónir manna um allan heim, vitandi það, að örfáir öfgamenn og sjúkir einstaklingar notfæri sér reiðina sem í kjölfar fylgir til þess að fá útrás fyrir sjúklegt drápseðli og öfugugga hátt.  Síðast þegar myndirnar voru birtar lét fullt af fólki lífið, blóð þeirra er á höndum þess fjölmiðlafólks sem að birtingunni stóðu segi ég.  svo eru allir múslimir dæmdir af voðaverkum hlutfallslega örfárra öfgamanna, ég er hræddur um að "við" í hinum svokallaða vestræna heimi yrðum ekki sátt ef dæma ætti okkur öll eftir verkum Hitlers og Stalíns eða jafnvel krossfaranna sem fóru um landið helga myrðandi og meiðandi hvern þann sem ekki vildi snúast til réttrar trúar.

Tjáningarfrelsið er einhver dýrmætasta gjöf sérhvers manns og þarafleiðandi gríðarlega vand með farin, það er ekki byssan sem drepur heldur sá sem tekur í gikkinn, sama á við um fjölmiðla þá sem byrtu téðar myndir þeir eru  ábyrgir, sama hvað þeir reyna að skýla sér á bak við tjáningarfrelsi.

Við íslendingar ættum að fordæma þennan verknað og ekki dæma heil trúarbrögð eftir örfáum öfgamönnum.   Allir þeir múslimar sem ég hef kynnst og þeir eru nokkuð margir eru harð duglegt sóma fólk sem eingöngu þráir að fá að lifa í sátt og samlyndi, látum þá ekki líða fyrir afbrot örfárra óábyrgra fjölmiðlamanna í leit að skjótum frama.

Guð hjálpi Íslandi, því

ekki má ég vera að því.  Það gekk gjörsamlega aftur og fram, upp og niður af mér skrílslætin í Ráðhúsi Reykjavíkur í dag.  Ef þetta er það fólk sem á að erfa landið þá erum við í vondum málum.  Andleg fátækt þessa aumingja fólks er með þvílíku eindæmum að ég á varla til orð. 

Og ekki nóg með það þessir andlegu fátæklingar töluðu um lýðræði, eftir frammistöðu þeirra leyfi ég mér að draga það stórlega í efa að þau hafi hugmynd um merkingu þess orðs.

Borgarfulltrúar ásamt öðru sveitastjórnarfólki eru kjörnir til fjögurra ára í senn í samræmi við kosningalög.  Það þýðir að hvort sem fólki líkar betur eða verr þá sitjum við uppi með þá út kjörtímabilið, það er LÝÐRÆÐI, ef við erum ósátt með gjörðir þeirra á kjörtímabilinu þá gerum við það upp í næstu kosningum það er LÝÐRÆÐI.

Fráfarandi meirihluti var yfir sig hneykslaður yfir þessum vinnubrögðum og hefur aldrei "upplifað" annað eins, ég spyr " Hvar var þetta fólk fyrir hundrað dögum ?" ég veit ekki betur en að þeir hafi sjálfir innleitt þessa sandkassa pólitík í borgina.

Nú er Dagur að kveldi kominn og verður að kyngja því, hann getur þó verið stoltur af því að hann ríkti aðeins lengur en Jörundur hundadagakonungur og ég efa það ekki eitt augnablikk að ólíkt Jörundi þá mun Dagur rísa aftur enda skörunglegur og geðþekkur pólitíkus.

En nú má ég ekki vera að því að ræða pólitík, var að frétta það að sonar sonur minn og nafni fæddist nú fyrir hálf tíma síðan og þá gleymist öll gremja og hneykslan yfir atburðum dagsins og mikilvægari málefni taka við

Svona gera þeir það í Texas

Bush ákvað að setja á stofn sveit afburða hermanna til þess að binda enda á Íraksstríðið í eitt skipti fyrir öll og menn úr öllum deildum hersins komu til þess að þreyta inntökupróf.

Fyrstur kom hermaður úr fótgönguliðinu, honum var fengin hlaðin skambyssa, sagt að ryðjast inn í hús og drepa allt kvikt sem hann sæi.  Hann tók við byssunni ruddist inn og stóð þar augliti til auglitis við eiginkonu sína sem hann var nýlega kvæntur, vinurinn hvítnaði upp gekk siðan út og sagði að hann væri ekki rétti maðurinn í þetta starf.  Næstur var sjóliði hann tók við byssunni en allt var á sama veg og hjá þeim sem á undan var.

Þá var komið að stolti bandaríkja hers, landgönguliðanum hann tók við byssunni ruddist inn með gríðarlegum látum, síðan heyrðist smellir þegar hamarinn í byssunni skall ítrekað á tómum skothylkjum svo bölv og að lokum neyðaróp.  Örstuttu seinna kom landgönguliðinn út og sagði " það heur einhver bölv. hálfviti látið púðurskot í byssuna svo ég varð að kyrkja tíkina."

Það þarf að sjálfsögðu ekki að taka það fram að þessi landgönguliði var að sjálfsögðu frá Texas og að öllum líkindum ná frændi Bush.

Af manna(mis)ráðningum

Datt í hug smá saga sem ég heyrði eitt sinn um ráðningar og læt hana fljóta hérna.

Í stóru fjármálafyrirtæki á Wall Streat var auglýst eftir ritara.  Þrjár konur sóttu um starfið og komu í viðtal, þeirri fyrstu var vísað inn á skrifstofu sem var mannlaus á skrifborði voru 5 þ. dollarar, hún settist niður og beið róleg eftir að við hana var rætt.Síðan var númer tvö ísað inn á sömu skrifstofu og allt var á sama hátt, henni fannst svolítið glannalegt að sjá þessa fjárhæð á skrifborðinu, setti peningana ofan í skúffu og beið síðan eftir viðtalinu.  Þegar svo númer þrjú sá peningana tók hún búntið, snaraðist niður á næsta verðbréfamarkað, verslaði með peningana og skilaði fjórfaldri upphæð á skrifborðið.

Og hver þeirra var svo ráðin?  Ósköp einfalt ...... sú þeirra sem var með stærstu brjóstin.

Sem sagt tímarnir líða en sumt breytist aldrei.

Össur í djúpum ....

Ef ég væri ekki ákaflega dannaður maður og vel gerður myndi ég segja að Össur væri búinn að skíta uppá bak svo í staðinn læt ég mér nægja að segja að hann hafi haft hægðir upp að herðablöðum.

Ég hélt alltaf að Össur væri þokkalega klár karl og samkvæmur sjálfum sér, en svo bregðast krosstré sem önnur tré.  Össur er greinilega bara lítill dúllulegur karl sem breiðir yfir sín pólitísku klúður með fimm aura bröndurum ( 173,50 króna sé reiknað með verðbólgu ) og ekkert skárri en þeir sem hann hefur mest gagnrýnt í gegnum tíðina.

Það verður gaman að sjá hvort honum tekst að klóra sig útúr þessu klúðri, eða hvort hann gefst bara upp og kallar " skeina !"

Gagnrýna ráðningu nýs ferðamálastjóra

Útrásartækifæri ?

Sniðugir Svíar auðvitað að virkja lýðinn, en það eru fleiri spennandi möguleikar.  Það vita jú flestir að oft getur reynst erfitt að fá karlmenn til þess að hitta í hlandskálar, ýmislegt hefur verið reynt, t.d. gerfi fluga í skálinni, skotskífa og margt margt fleira.

Hér kemur svo ein hugmynd enn í stað þeirra sem á undan er getið.  Í miðja skálina mætti setja mylluhjól sem knýr rafal sem svo aftur framleiðir rafmagn.  Ef við gefum okkur að hver rafali væri ca. 50 w og að meðal tali væru 250 þeirra í gangi þá væru þetta 12,5 kw stundir sem nota mætti til þess að upplýsa stórann hluta af stöðinni svo maður tali ekki um það sem sparast í þrifum.

Treysti Villa og Birni Inga til þess að kanna þennan spennandi möguleika og stofna HEI eða ( Hland Energy Invest )

Líkamshiti nýttur til húshitunar

Íslenskir fálkar

Jæja enn og aftur er komið að því að hengja kross á þá sem taldir eru þess verðugir, oftar en ekki sýnist manni fólk gert að fálkum af þeirri einu ástæðu að það mætir í vinnu sína svona þokkalega sæmilega og þiggur fyrir það laun.

Nú hef ég eins og þorri þjóðarinnar setið spenntur og beðið eftir þessu hnossi en án árangur en sem komið er.  Samt er ég fálkalegur með afbrygðum og mæti alltaf í vinnu þegar ég má vera að, fengist við margt í gegnum tíðina og aldrei vísvitandi prettað nokkurn mann.

Ég nota hérmeð þetta tækifæri og mæli með sjálfum mér og vill jafnframt nota tækifærið ef einhver með ítök les þennan pistil, að vera svo vinsamlegur að leggja mér lið.

p.s.  Þetta þarf ekki endilega að vera stór kross og hann má gjarnan vera notaður.

Ellefu sæmdir heiðursmerkjum

sprittkerti og jólin

Ég vil nota þetta tækifæri og hvetja fólk til þess að fara varlega með sprittkerti almennt sama hvar þau eru framleidd.

Um jólin er mjög algengt að fólk skreyti hjá sér með allavega keramik fígúrum sem sprittkerti eru sett inní.  Þetta er afskaplega fallegt og puntar uppá heimilið, en það þarf að hafa í huga að ef að fígúrurnar eru litlar og illa loftræstar þ.e. losa sig illa við hitann þá nær allt yfirborð kertisins íkveikju marki og þá getur orðið heilmikið bál.

Og hafa hugfast að eldur í sprittkerti er olíu eldur svo aldrei nota vatn til þess að slökkva hann heldur eldvarnarteppi eða eitthvað álíka.

 

Bónus innkallar kerti