Eyrnastór

Var að horfa á Davíð tilkynna og reyna að rökstyðja hækkun stýrivaxta einu sinni en og með sömu klisjunum og síðast.  Hvenær ætla þessir höfðingjar að skilja það að einu afleiðingarnar eru þær að það harðnar á dalnum hjá þeim sem minnst mega sín, þ.e.a.s almúga manninum og konunni sem skuldar og er með yfirdráttinn í botni til þess aðeins að skrimta.

En það er auka atriði smátt og smátt hætti ég að heyra malið í Dabba og fór að stara á eyrun á kallinum og annað hvort eru þau að stækka eða hann er nýlega klipptur nema hvor tveggja sé og svo fór ég að velta því fyrir mér hvort tengsl séu á milli stærðarinnar og þessarar gríðarlegu drottnunar sýki sem virðist þjá hann, hann getur ekki hætt að reyna að stjórna þessu landi eins og lítill einræðisherra,  og þá mundi ég eftir Birni Bjarna hann er líka með þessi fjallmyndarlegu yfirstærðar eyru og hann vildi stofna her og leggjast í víking.

Ég velti fyrir mér hvort fleiri hafi tekið eftir þessu og hvort hugsanleg tengsl þarna á milli hafi verið rannsökuð, verðugt verkefni fyrir fróða menn.

Mér finnst raunar löngu kominn tími á að þessir herramenn dragi sig og sín eyru í hlé, gætu kannski keypt sér hús á Páskaeyju þar eru jú styttur af þeim út um allt, datt þetta svona í hug.

Einkafávita her Ráðherra

Enn einu sinni sjáum við gróft dæmi um það hvað gerist þegar hópur af óhæfum ríkisstarfsmönnum og einkavinum kemur saman og vinnur verk sem þeir hafa ekki vit á.

Ekki nóg með það, hver bendir á  annan og allir eru saklausir af klúðrinu, í mínum huga er þetta ósköp einfalt sá eini sem getur algjörlega þvegið hendur sínar af þessu máli er núverandi ráðherra, enda var ekki  búið að kjósa hann þegar þessar hálvitalegu ákvarðanir voru teknar.

Nú skora ég á alla viðkomandi, vegamálastjóra sem réði vanhæfan verkfræðing, ráðuneytisstjóra sem búin er að lýsa því yfir að starfsreglur ráðuneytisins hafi verið brotnar og viðurkennir þar með ábyrgð og aðra þá sem að þessu leiðinda máli komu að axla sína pólitísku ábyrgð í þessu máli og segja af sér, það hefur gerst af minna tilefni hjá siðmenntuðum þjóðum.

En það er víst eitt að óska og annað að fá hingað til hefur pólitísk ábyrgð ekki ennþá fundist hér á Íslandi og hvers vegna?  Jú,  mín skoðun er ósköp einföld pólitískar ráðningar bjóða upp á það að í stöðurnar veljast undirmáls menn og konur  sem vart væru matvinnungar á frjálsum markaði, því sitja þeir sem fastast hvað sem á dynur eins og límdir fastir í eigin skít.

 

Sturla: Aldrei gefin fyrirmæli er áttu að geta leitt til núverandi niðurstöðu

Skógarmenn

Er þetta ekki enn eitt dæmið um hlýnandi veður og gróðurhúsa áhrif að loksins skuli komnir runnar á okkar ástkæra landi þar sem hægt er að felast.  Nú fjölgar heldur betur úrræðum íslensks dómskerfis því nú verður hægt að dæma menn til skógar eins og gert til forna áður en sauðkindin, hrossin og horfallandi sauð svartur almúginn rót nöguðu næst síðustu hrísluna, sú síðasta var víst notuð til þess að hengja sauða þjóf.

Faldi sig fyrir lögreglu í runna

Opal oj bjakk

Íslenskar auglýsingar eru yfirleitt ákaflega góðar, skemmtilegar og þó nokkuð frumlegar, en nú hafa upp á síðkastið byrst auglýsingar sem mér finnst með afbrigðum leiðinlegar og andlausar svo vægt sé til orða tekið, en þar er verið að auglýsa hið sí vinsæla og þjóðlega Opal.

Að horfa á fullorðið fólk standa gogg í gogg og blaðra um ekki neitt bara til að sýna að það er ekki andfúlt finnst mér leiðinlegt, svo leiðinlegt að ég hef ákveðið að fara í algjört Ópal bindindi. 

Og af því að ég er byrjaður að tala um auglýsingar þá get ég líka bætt því við að ég ætla ekki heldur að horfa á enska boltann, óléttir karlar höfða einhvern veginn ekki til mín, sit uppi með þá mynd fasta í hausnum hvernig þessari kúlu var troðið í þá, en það er nú sjálfsagt bara mín hugsunar fötlun og ef ég særi einhvern með henni, biðst ég velvirðingar.

Lúkas heitinn

Það er ekki nokkur spurning að sjaldan ef ekki aldrei hefur nokkur hundur haft eins mikil áhrif og Lúkas nokkur norðlenskur.  "Afturgengin" kemur hann og bítur í endann á allt að eitt hundrað bloggurum sem unnu sér það til saka að níða niður meintan morðingja hans á netinu.

Histerían var slík í kringum þetta meinta hunds morð að annað eins á sér að ég held fáar hliðstæður hér á landi og mynnti helst á norna fárið hér á öldum áður þar sem konum var drekkt og og karlmenn notaðir sem eldiviður.  Kertafleytingar og minningarathafnir víða um land eins og þjóðhöfðingi hefði fallið frá og múgurinn vildi helst fá líf fyrir líf þ.e. mannslíf fyrir hundslíf.

Það verður spennandi að fylgjast með framvindunni því mér skilst að hér verði um prófmál að ræða.  Ég er ákaflega glaður yfir því að Lúkas skuli hafa komið fram heill á húfi ekki einungis hans vegna heldur einnig meints morðingja hans sem nú er eins og ný hreinsaður hundur í máli þessu og hyggst nú láta kné fylgja kviði og leita réttar síns, gott hjá honum.

Að endingu samgleðst ég eiganda Lúkasar fyrir að hafa heimt hann úr helju og bendi á að ef hann hefði verið í bandi eins og lög gera ráð fyrir, hefði þetta sjálfsagt aldrei gerst.

Vitlaus, Vitlausari, Ráðherra

Háttvirtur heilbrigðisráðherra ætlar að sækja um undanþágu til Evrópusambandsins um að fá að sleppa íslenskum merkingum og leiðbeiningum á lyfjum til þess að ná niður lyfjaverði.

Mér er gjörsamlega fyrir munað að sjá hvernig þessir liðir geta hleypt lyfjaverði upp, með skrautskrift á glanspappír mætti hugsanlega ná verðinu upp í einhverja hundrað kalla en sé allt eðlilegt ættu þetta að vera örfáar krónur.

Ef að háttvirtur ráðherra sér þetta ekki þarf hann sjálfsagt hjálp við að skeina sig og bursta tennurnar.  Það er með ólíkindum hvaða hugmyndir hægt er að selja sumu fólki og ef að ráðamenn hafa ekki verðskyn í lagi hvernig á þá að vera hægt að treysta á þá ég bara spyr.

Krónan upp - verðlag niður?

Því miður er það ekki þannig í veruleikanum.  Dollarinn hefur lækkað um ca. 20 kr. frá því í fyrra.  Maður hefði ætlað að það þýddi hellings lækkun á verðum á meðal annars nauðsynjavörum en það er eitthvað annað. 

Við erum víst ákaflega seinreittir til reiði Íslendingar, nema þá kannski á sveitaböllum, kjarabætur sem þessar skila sér aldrei nema í örfáa vasa og öllum virðist vera sama, allavega gerir engin neitt, hálfrar mínútu viðtal við formann neytendasamtakana eða einhvern verkalýðsforkólfinn sem lýsir vanþóknun sinni á þessu í einhverjum fjölmiðli er það eina sem gerist og svo er málið dautt.

Íslenskir neytendur virðast fæðast með smurðan enda svo þeir verði ekki varir við þegar þeir eru misnotaðir eða þá að þeim er farið að þykja það gott, veit ekki hvort er.

Bjó 5 ár í Danmörku þar sem neytendur eru að mér finnst ákaflega meðvitaðir um rétt sinn og láta óspart í sér heyra ef þeim mislíkar og leggja mikið á sig til að sniðganga þá sem þeim finnst eiga það skilið.  Hvernig væri að við færum að láta í okkur heyra, það hljóta að vera til leiðir.

Er einhver með uppástungu?

Kynferðisleg áreitni

Var að lesa frétt á textavarpinu þar sem segir orðrétt " Ekkert verður aðhafst í máli einstaklinga sem sagðir eru hafa orðið fyrir kynferðislegri áreitni við vinnu sína á Kárahnjúkasvæðinu, en hvorki hafa borist formlegar kvartanir né kærur vegna slíkra mála." 

Ég veit satt best að segja ekki hvað ég á að lesa út úr þessari frétt, eru einhverjir sem telja einhverja hafa verið áreittir kynferðislega að kvarta fyrir þeirra hönd ?  Er fólk þá ekki farið að skipta sér af málum sem þeim hugsanlega kemur ekki við.  Ég geri mér fulla grein fyrir að fólk er misjafnt þegar kemur að þessum málum og kynferðisleg áreitni er aldrei réttlætanleg.

En hvað er kynferðisleg áreitni?  Í Bandaríkjunum er þetta skilgreint þannig: Einhver klípur í bossann á mér og mér líkar það ekki og geri viðkomandi einstakling grein fyrir því, það er ekki kynferðisleg áreitni, en ef viðkomandi klípur mig aftur eftir að ég hef varað hann eða hana við þá er það kynferðislegt áreitni, og þar með refsiverð.

Við megum passa okkur á því að ganga ekki út í öfgar á þessum sviðum frekar en öðrum.  Sjálfskipaðir siðapostular hafa engan rétt á að ákveða hvað mér finnst gott og hvað mér finnst slæmt.  Og ef ég á að vera algjörlega hreinskilinn, þá finnst mér bara nokkuð notalegt þegar einhver klípur mig í bossann.

Imba Sól og Simmi P hönd í hönd

En hvað þetta er eitthvað sætt, eða hvað finnst ykkur.  Þarna stendur hún Ingibjörg okkar skælbrosandi og heilsar hryðjuverkamanni eins og ekkert sé.  Væri ekki nær að hún heilsaði honum að sjómanna sið eins og Árni Johnsen heilsaði forðum.

Og hver er svo tilgangurinn?  Jú það er verið að reyna að troða okkur í öryggisráð sameinuðu þjóðanna með ærnum tilkostnaði, greinilegt að þrátt fyrir öll stóru orðin þá hefur ekkert lærst af því að sitja á lista hinna staðföstu þjóða sem dregnar voru á asnaeyrum til að þóknast Bush og co.

Í mínum huga verður þetta henni ekki til framdráttar, frekar á hinn veginn

Ingibjörg Sólrún á fundi með Peres

Tvö pör af tvíburum ?

Kallast það ekki fjórburar?

Tvö pör af tvíburum