Vantar PUNG

Á undanförnum árum hefur það gerst að einhverskonar vesaldómur hefur haldið innreið sína í verkalýðsforustuna. Áratuga starf harðra verkalýðsforingja er rifið niður á örfáum árum vegna aumingjaskapar þeirra sem sitja við stjórnvölinn.

Verkalýðsforingjar nútímanns virðast hafa allt of há laun og því miður ekki árangurstengd. Ég spyr, "hvar eru harðjaxlarnir sem þorðu að slá í borðið og segja hingað og ekki lengra", tískan í dag virðist vera sú að sitja á rassgatinu, troða í sig kaffi og bakkelsi og bíða eftir "ÚTSPILI" ríkisstjórnarinnar, sem er því miður allt of hálaunuð líka.

BURTU MEÐ ÞESSA FUGLA ALLA MEÐ TÖLU!


mbl.is Líkur á langtímasamningi minnka
Tilkynna um óviðeigandi tengingu við frétt

Hræðsla.is

Það virðist sem öllu skuli tilkostað til þess að fá Icesafe frumvarpið samþykkt. Nú síðast er það Már Seðlabankastjóri, Ísland lendir í ruslflokki lánshæfisfyrirtækja hvað svo sem það þýðir, veit ekki betur en að þegar téð lánshæfismat var með því besta sem þekktist í heiminum, þá fórum við á hausinn.
Þar á undan var það Vilhjálmur hjá SA (samtök asna kallaði einhver það um daginn). Atvinnuleysi mun aukast og ekkert svigrúm verður til kauphækanna jarmaði hann í sjónvarpi.
Skilanefnd Landsbankans hefur keppst við að segja okkur hvað framtíðin er björt varðandi endurheimtur hjá bankanum, jafnvel svo að dugi fyrir öllum skuldbindingum.Man nokkur til þess að áætlanir opinberra fyrirtækja hafi staðist? ég man allavega ekki eftir einu einasta dæmi.
Ég vill að lokum varpa því fram hér að allar þessar þvingunar og kúgunar aðferðir yfirvalda og SA, þegar reynt er með ofbeldi og hræðslu áróðri að neyða okkur landsmenn til þess að taka á okkur skuldir þjófa og óreiðumanna eru að mínu mati LANDRÁÐ.

Þér morðingjar!!!

Ríkisstjórnin kom saman hér í Reykjanesbæ og ákvað að setja á stofn safn til þess að bregðast við atvinnuleysi hér á suðurnesjum enda atvinnuleysi hvergi meira á Íslandi en hér, þetta skapar hugsanlega 2 - 3 störf. Nú er ljóst að SPKef nýtur ekki sömu réttinda og aðrar bankastofnanir hér á landi, enda aldrei verið gefinn glæpamönnum eins og hinir bankarnir. Störf u.þ.b 80 starfsmanna sparisjóðsins hanga þar af leiðandi í lausu lofti.

Þetta er mjög í stíl þessarar aumustu ríkisstjórnar Íslands frá upphafi, það sem gefið er með annarri höndinni er tekið margfallt með hinni.
Eins er með álverið í Helguvík, þegar allar hindranir sem ríkisstjórnin hefur lagt gegn því hafa verið yfirstignar, þá er síðasta vopnið að láta Landsvirkjun reyna að stöðva framkvæmdir eða að minnsta kosti gera þær eins dýrar og mögulegt er.

Ég skora á ríkisstjórn Íslands að splæsa í reipi fyrir Suðurnesjamenn svo við getum bara hengt okkur strax, það er mannúðlegra heldur en að murka svona úr okkur líftóruna.

Burt með þessa ríkisstjórn aumingja og vesalinga!!!


mbl.is Spkef sameinast Landsbankanum
Tilkynna um óviðeigandi tengingu við frétt

Ískuldi

Þær koma manni svo sem ekkert á óvart hitasveiflurnar þar sem 60 vesalingar koma saman í einum og sama sandkassanum.  Að sjálfsögðu átti að draga öll 4 fyrir landsdóm og þau hefðu átt að fagna því ef í þeim er ærleg taug, þar fengju þau þó tækifæri til þess að hreinsa sig af þeim ávirðingum sem á þau eru bornar.  En aldeilis ekki þessi elíta, í þeirra huga tengist ábyrgð eingöngu launaflokkum en ekki því að vera ábyrgur gjörða sinna, þjóðin er ekkert of góð til þess að greiða kostnaðinn af góðæris Hruna dansinum.

Datt svona í hug um daginn þegar ég horfði á þátt af "vesalingunum" á þingi.

Ásýnd þings er orðin gróf, 

enginn finnst þar klassinn.

Það er eins og þrykki þjófur, þjóf,

þráfaldlega í ra.....


mbl.is Ískalt viðmót á þinginu
Tilkynna um óviðeigandi tengingu við frétt

Össur örlagafí..

Ekki veit ég í hvaða heimi Össur karlinn lifir né á hvaða lyfjum hann er eða ætti að vera.  Ég hlustaði á Breska forsætisráðherrann ávarpa þingið og í því ávarpi fór ekkert á milli milli mála hver afstaða breta er, þ.e. Icesave skuldin greidd að fullu annars enginn stuðningur af hálfu breta.  Ekki einu orði minnst á samningaviðræður né nokkuð í þá áttina.

Kominn tími til að draga EU umsóknina til baka og segja okkur úr Nato í leiðinni.  Það mætti spara þó nokkrar krónur með þessum hætti.


mbl.is Össur: Höfum sterkar þjóðir með okkur
Tilkynna um óviðeigandi tengingu við frétt

Hlakka til haustsins

Það er gott að sjá loksins einhvern sýna fordæmi sem fylgjandi er. Í aðdraganda kosninganna heyrðust mjóróma hræðslu áróðurs raddir úr öllum áttum sem fullyrtu að frambjóðendur Besta flokksins væru trúðar og ýmislegt í þeim dúr, aðallega frá hrossagaukum sitjandi borgarfulltrúa sem sáu fram á að missa eitt og annað svo sem ráð yfir borginni og jafnvel sætin sín. Jón Gnarr sýnir strax á fyrstu dögum sínum sem kjörinn fulltrúi í borgarstjórn Reykjavíkur, meiri karakter en lunginn af fyrirrennurum sínum á ferlinum og jafnvel þó ferlar þeirra væru lagðir saman. Vonandi að framhaldið verði í sama dúr.

Ég segi hér í fyrirsögn "Ég hlakka til haustsins", og hvað skyldi kallinn nú meina...jú ef Jón Gnarr vrður Borgarstjóri eins og allt virðist benda til að hann verði, þá verður gríðarlega spennandi að sjá hvernig Spaugstofan hemur honum til skila. :)


mbl.is Jón Gnarr hættir sem leikskáld
Tilkynna um óviðeigandi tengingu við frétt

!!!arrúH

Hann getur gefið allt þetta og meira til, hann verður samt sem áður hlandhaus sem setti banka á hausinn í viðleitni sinni til þess að maka krókinn.

Ef allt hefði verið eðlilegt hefði honum ekki enst ævin til þess að þéna svona mikið og nú ætlar hann að koma sem einhver dýrlingur og hreinsa æruna.

Ég trúi því ekki fyrr en ég tek á því að nokkur góðgerðarsamtök hafi áhuga á þessum Júdasar peningum, og eins og öllum öðrum útrásar þjófum óska ég herra William Fall niðurgangs og harðlífis til skiptis það sem hann á eftir ólifað.


mbl.is Gefur launin til góðgerðarmála
Tilkynna um óviðeigandi tengingu við frétt

Lifað af list

Ég mynnist þess ekki í fljótu bragði að hafa ráðið ÞÞ eða nokkurn annan "listamann" í vinnu hjá mér og skil þess vegna ekki hvers vegna ég ætti að vera að greiða honum laun.

Mín skoðun er og hefur alltaf verið ósköp einföld: Annað hvort lifa menn af listinni eða ekki, og ef menn geta ekki lifað af henni, verða þeir að finna sér eitthvað annað að gera, sorrý.


mbl.is Neitað 19 sinnum um listamannalaun
Tilkynna um óviðeigandi tengingu við frétt

Pokaprestur?

Það er nú þannig á flestum stöðum hér á vinnumarkaði að ef menn standa sig ekki, gerast sekir um afglöp eða annan ósóma þá verða þeir að taka pokann sinn.

Með presta virðist þetta vera annars eðlis, þeir sitja fastar en andsk .... sjálfur og virðist engin leið að koma þeim í burtu sama hvað þeir brjóta af sér.

Ef sérann hefði káfað á mínum börnum hefði ég séð til þess að hann káfaði ekki meira án hjálpartækja frá Össuri.

Svo má alltaf setja þá í poka þessa prestlinga og gá hvort þeir fljóti.Devil


mbl.is Viljum fá prestinn okkar aftur
Tilkynna um óviðeigandi tengingu við frétt

Gefum skít.....

í Icesave og allt kjaftæðið.  Hvers vegna ættum við svo sem að borga óreiðu skuldir glæpamanna sem sína ekki minnsta vott af iðrun.  Og hvað varðar íbúa þoku eyjunnar og neðan sjávarmáls liðið, þá geta þeir sjálfum sér um kennt og engum öðrum, það þarf engan sérfræðing til þess að sjá það að því meiri sem hagnaðarvonin er, því meiri er áhættan.

Snúum okkur bara aftur að því að eta fisk, lambakjöt og kartöflur á því þreifst þjóðin ágætlega og getur alveg gert það aftur, olíur og bíla getum við fengið frá Rússlandi gegn smávægilegri aðstoð og greiðavirkni sem myndi áreiðanlega senda nettan skjálfta upp hryggsúluna á "vinveittum" þjóðum sem reyna nú hver sem betur getur að kvelja okkur til hlýðni.


mbl.is Ekki séð fyrir enda Icesave
Tilkynna um óviðeigandi tengingu við frétt

« Fyrri síða | Næsta síða »

Höfundur

Róbert Tómasson
Róbert Tómasson
er ekkert mannlegt óviðkomandi
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring: 1
  • Sl. viku: 2
  • Frá upphafi: 0

Annað

  • Innlit í dag: 0
  • Innlit sl. viku: 2
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband