Róbert Tómasson

1.1.2008 | 15:38

Íslenskir fálkar

Jæja enn og aftur er komið að því að hengja kross á þá sem taldir eru þess verðugir, oftar en ekki sýnist manni fólk gert að fálkum af þeirri einu ástæðu að það mætir í vinnu sína svona þokkalega sæmilega og þiggur fyrir það laun.

Nú hef ég eins og þorri þjóðarinnar setið spenntur og beðið eftir þessu hnossi en án árangur en sem komið er. Samt er ég fálkalegur með afbrygðum og mæti alltaf í vinnu þegar ég má vera að, fengist við margt í gegnum tíðina og aldrei vísvitandi prettað nokkurn mann.

Ég nota hérmeð þetta tækifæri og mæli með sjálfum mér og vill jafnframt nota tækifærið ef einhver með ítök les þennan pistil, að vera svo vinsamlegur að leggja mér lið.

p.s. Þetta þarf ekki endilega að vera stór kross og hann má gjarnan vera notaður.

	Ellefu sæmdir heiðursmerkjum
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Kannske til í Kolaportinu. þ.e notaður kross.

Frikkinn, 1.1.2008 kl. 16:01

Ég ræddi um þetta við Ólaf Ragnar fyrir mörgum árum. Það var og er hans vilji að draga úr spreðinu á þessum orðum. En það er sérstök orðunefnd sem velur handhafa orðunnar.

Annarsvegar er nefndin bundin af hefðum (ef allir biskupar eða allir dómkirkjuprófastar hafa fengið orðu er erfitt að leggja þann sið niður).

Hinsvegar er nefndin beitt þrýstingi frá ýmsum félögum. Félag íslenskra leikara eða eitthvað íþróttasamband samþykkir áskorun til orðunefndar um að veita tilteknum öldruðum leikara eða tilteknum íþróttamanni orðu. Það getur verið erfitt fyrir orðunefnd að hunsa þannig áskoranir.

Það gæti því verið gott ráð ef gömul skólasystkini frá Laugarvatni taka sig saman og skora á nefndina að skella á þig einum fálka.

Hafðu það svo sem best á árinu hvort sem er með eða án orðu.

Jens Guð, 1.1.2008 kl. 18:46