Móðgun við afgreiðslufólk á kassa...

að líkja þingmönnum við það.  Afgreiðslufólk á kössum hvort sem það er hjá Bónus eða öðrum verslunum sinnir sínu starfi, sama er því miður ekki hægt að segja um þingmenn sem gagga nú eins og hænur hver í kapp við annan og vita ekki sitt rjúkandi ráð.

Það er kannski svo sem engin furða því hanarnir þ.e. ráðherrarnir eru gjörsamlega geldir og óhæfir til allra verka.  Það hefur verið lenska hér að kjósa þá á þing sem gagga hæst og þess vegna sitjum við uppi með sem er í besta falli eins og lélegur saumaklúbbur

Þetta er eini staðurinn á Íslandi sem ég veit um þar sem ég held að fuglaflensa gæti geisað og orðið til góðs.

Þingmenn eins og afgreiðslufólk á kassa

Athugasemdir

[Róbert Tómasson, 5.11.2008 kl. 16:18]

Hehe góður

[Björn Birgisson, 5.11.2008 kl. 17:06]

Já, þeim líður illa á Alþingi. Þingmennirnir okkar eru einfaldlega allt of margir. Þeir þvælast bara hver fyrir öðrum. Ef 30 þeirra yrðu settir á kassa í Bónus yrði virkni þeirra 33 sem eftir sætu miklu meiri. Þá geta allir unað glaðir við sitt, en þjónustan í Bónus tæki nokkra dýfu niður á við.

[Róbert Tómasson, 5.11.2008 kl. 17:08]

Það mætti nú kanski notast við þá að raða í poka í jólatraffíkini.

[Blahh (IP-tala skráð) 5.11.2008 kl. 18:09]

Ekki að ég sé einhver sérstakur stuðningsmaður Ragnheiðar, ég vildi bara benda á að orð hennar verður að  skoða í samhengi við orð málshefjanda Katrínar Jakobsdóttur sem líkti þinginu við búðarkassa sem aðrir fylltu á körfurnar við.  Í framhaldi af því segir Ragnheiður að þingmenn séu afgreiðslufólk þessarar búðar.  Ég get vil skilið að orðin ein og sér líti illa út en í samhenginu finnst mér það nú ekki.

[Hrönn Sigurðardóttir, 5.11.2008 kl. 19:24]

já - ég tek undir orð blahhhh - jafn ótrúlegt og það nú er........... ;)

[Róbert Tómasson, 5.11.2008 kl. 19:31]

Þakka þér fyrir ábendinguna Blahh las bara það sem stendur í fréttinni.  En Guði sé lof að þetta fólk er ekki að afgreiða á kassa, þeir þurfa jú að stemma í lok dags.

En það er ekki öfundsvert að vera þingmaður í dag það eru svo gríðarlega mörg mistök í gangi að það tekur enginn eftir því þó eithvað gott slæddist með.

[Jón Gunnar Bjarkan, 6.11.2008 kl. 18:53]

Heyr heyr. Flottur punktur Róbert.