Mr. Drogba

Var að fá meil frá Mr. Drogba á Fílabeinströndinni virðist vera indælismaður en þó finnst mér að hann stigi ekki í vitið blessaður.  Hann sagði mér afskaplega hjartnæma sögu um það hvernig hann missti foreldra sína sem skildu eftir sig 6.5 milljónir dollara.

Nema hvað það er svo sem ekki í frásögur færandi hann er ekki nema 19 ára og getur því ekki nálgast auðæfin, og nánast grát bað mig um að gerast fjárhaldsmaður sinn gegn að sjálfsögðu vænni greiðslu eina sem ég þarf að gera er að gefa honum upp númerið á bankareikningnum mínum svo hægt væri að leggja millurnar inn og hann myndi síðan nálgast þær seinna.

Ég vottaði honum mína dýpstu samúð og kvaddi hann með orðum sem dagsdaglega eru táknuð með uppréttri löngutöng án þess að skammast mín hið minnsta.

Það er ótrúlegt að þetta skuli enn vera reynt og að það er sjálfsagt til fólk sem fellur fyrir þessu.

Athugasemdir

[Hrönn Sigurðardóttir, 27.3.2008 kl. 09:28]

Ættleiddu greyið...........

[Jens Guð, 29.3.2008 kl. 01:53]

  Það er hellingur af fólki sem fellur fyrir þessu.  Mæðgin á Siglufirði eru búin að tapa aleigunni (húsi,  bílum og fleiru) í tvígang í græðgi yfir að ná svona auðæfum.

  Aldraður maður sem heitir Kristján Guðmundsson hefur tapað aleigu sinni og margra ættingja við að leysa út milljarða arfi frá "ættingja" sem hann hann vissi ekki að væri til.  Kritsján þessi setti næstum því Búnaðarbankann í Borgarfirði á hausinn við að ná "arfinum".  Hann fór meira að segja til fundar við fulltrúa "arfsins" til Spánar og sá fulla kistu af peningum.  Og heldur stöðugt áfram að borga tugi milljóna króna til að komast nær "arfinum".

  Söngvari og gítarleikari Upplyftingar,  Haukur Ingibergsson, er í hópi þeirra sem hafa tapað aleigu á að liðka fyrir kalli að ná milljarða "arfinum".