Kynferðisleg áreitni

Var að lesa frétt á textavarpinu þar sem segir orðrétt " Ekkert verður aðhafst í máli einstaklinga sem sagðir eru hafa orðið fyrir kynferðislegri áreitni við vinnu sína á Kárahnjúkasvæðinu, en hvorki hafa borist formlegar kvartanir né kærur vegna slíkra mála." 

Ég veit satt best að segja ekki hvað ég á að lesa út úr þessari frétt, eru einhverjir sem telja einhverja hafa verið áreittir kynferðislega að kvarta fyrir þeirra hönd ?  Er fólk þá ekki farið að skipta sér af málum sem þeim hugsanlega kemur ekki við.  Ég geri mér fulla grein fyrir að fólk er misjafnt þegar kemur að þessum málum og kynferðisleg áreitni er aldrei réttlætanleg.

En hvað er kynferðisleg áreitni?  Í Bandaríkjunum er þetta skilgreint þannig: Einhver klípur í bossann á mér og mér líkar það ekki og geri viðkomandi einstakling grein fyrir því, það er ekki kynferðisleg áreitni, en ef viðkomandi klípur mig aftur eftir að ég hef varað hann eða hana við þá er það kynferðislegt áreitni, og þar með refsiverð.

Við megum passa okkur á því að ganga ekki út í öfgar á þessum sviðum frekar en öðrum.  Sjálfskipaðir siðapostular hafa engan rétt á að ákveða hvað mér finnst gott og hvað mér finnst slæmt.  Og ef ég á að vera algjörlega hreinskilinn, þá finnst mér bara nokkuð notalegt þegar einhver klípur mig í bossann.

Athugasemdir

[Hrönn Sigurðardóttir, 25.7.2007 kl. 08:34]

Það eru hárfín skilin þarna á milli og fara eftir hverjum og einum. Sem gerir málið allt enn flóknara.....

Ég hef alltaf flissað að þeim sem telja sig hafa orðið fyrir kynferðislegri áreitni og talið þá of viðkvæma og þar fram eftir götunum - allt þar til ég varð fyrir henni sjálf! Þá var mér verulega misboðið! En ég gerði líka eitthvað í málunum og tilsagði manninn. Lít þessi mál öðrum augum á eftir. Það er ekkert grín að verða fyrir þessu. Hinsvegar segi ég eins og þú - það er ekkert að líkamlegri snertingu ef báðir aðilar eru með.

.....en er hann flottur? Bossinn þinn altsvo